🚨«យើងលែងត្រូវការអ្នក!»៖

លោកត្រាំរិះគន់មេដឹកនាំអង់គ្លេស ជុំវិញការយឺតយ៉ាវក្នុងរឿងសង្គ្រាម

🚨 លោក ដូណាល់ ត្រាំ បានវាយបកយ៉ាងខ្លាំងៗទៅលើលោក Keir Starmer ដោយប្រាប់នាយករដ្ឋមន្ត្រីអង់គ្លេសរូបនេះថា សហរដ្ឋអាមេរិកលែងត្រូវការជំនួយយោធាពីអង់គ្លេសទៀតហើយ បន្ទាប់ពីលោកបានរារែកក្នុងការគាំទ្រការវាយប្រហារលើប្រទេសអ៊ីរ៉ង់។ នេះបើយោងតាមការចុះផ្សាយរបស់ BBC ថ្ងៃទី៨ខែមីនាឆ្នាំ២០២៦។

ទោះបីជាអង់គ្លេសទើបតែដូរចិត្តអនុញ្ញាតឲ្យអាមេរិកប្រើមូលដ្ឋានទ័ព និងត្រៀមបញ្ជូននាវាដឹកយន្តហោះក៏ដោយ ក៏លោកត្រាំបានសរសេរសារបង្ហោះលើបណ្ដាញសង្គមថា «មិនអីទេ នាយករដ្ឋមន្ត្រី Starmer យើងលែងត្រូវការពួកគេទៀតហើយ។ យើងមិនត្រូវការអ្នកដែលចូលមកជួយក្នុងសង្គ្រាម នៅពេលដែលយើងបានឈ្នះទៅហើយនោះទេ!»។

ជម្លោះពាក្យសម្តីនេះបានកើតឡើង ខណៈដែលរដ្ឋមន្ត្រីការបរទេសអង់គ្លេស លោក Marco Rubio ក៏បានរិះគន់ចំៗទៅលើ «សម្ព័ន្ធមិត្ត» ណា ដែលមិនព្រមជួយគ្នាក្នុងគ្រាអាសន្នផងដែរ។ ទោះបីជាខាងយោធាអង់គ្លេសអះអាងថា ខ្លួនកំពុងត្រៀមលក្ខណៈនាវាចម្បាំង HMS Prince of Wales យ៉ាងណាក៏ដោយ ក៏អ្នករិះគន់យល់ថា លោក Starmer បារម្ភពីរឿងការបោះឆ្នោតក្នុងស្រុក ជាងទំនាក់ទំនងពិសេសជាមួយអាមេរិក៕