នាម៉ោង ៣ ទៀបភ្លឺ ចូលដល់ថ្ងៃទី ០៤ ខែកុម្ភៈ ឆ្នាំ

២០២៦ ឧកញ៉ា ម៉ុង ឫទ្ធី គេងអត់លក់ ទំលាយរូបកាលពី 31 ឆ្នាំមុន រួចប្រាប់ថា "យប់នេះគេងមិនលក់ភ្ញាក់ពីដំណេកតាំងពីម៉ោង៣ទៀបភ្លឺ បេីកទូរស័ព្ទមេីលរូបថតចាស់ៗ ដែលបានបន្សល់ទុកពីមុនមក បានប្រទះឃើញរូបថត វរសេនីយ៍ត្រី ម៉ុង ឫទ្ធី ព្រមទាំងលិខិតឧទ្ទេសនាម លេខ ០11/ឧន 95 ចុះថ្ងៃទី១១ ខែមករា ឆ្នាំ1995 ដែលមានចុះហត្ថលេខាដោយលោកឧត្តមសេនីយ៍ទោ អ៊ុន ដែន ជាមេបញ្ជាការ អង្គភាព នាយកដ្ឋានភូមិសាស្ត្រ បេីគឹតមកដល់ពេលនេះមានរយៈពេល31ឆ្នាំ បានកន្លងផុតទៅហេីយ ។

កាលណោះប្រទេសយេីងនៅមិនទាន់បានបិទបញ្ចប់សង្គ្រាមនៅឡេីយទេ រហូតមកដល់ឆ្នាំ1998 ទេីបខ្មែរក្រហមយល់ព្រមធ្វើសមាហរណកម្មបញ្ចប់សង្គ្រាម ។

រូបថតនេះខ្ញុំចង់ឱ្យក្មេងៗជំនាន់ក្រោយបានឃេីញថា ឪពុកម្ដាយ ជីដូនជីតា កាលពីជំនាន់មុន មិនមានទូរស័ព្ទដៃ ឬសម្ភារទំនើបៗ ដូចបច្ចុប្បន្ននេះទេ ពេលធ្វើដំណើរទៅណា មកណា ម្តងៗ សុទ្ធតែត្រូវប្រើលិខិតឧទ្ទេសនាមស្ទើរតែទាំងអស់។"៕